O CAMIÑO DE SANTIAGO
(bótalle un ollo o seguinte video)

TAREFA 5

As intrigas palaciegas contra a Raíña Isabel de Castela xurdidas en Portugal dinamítanse coa entrada en escena dun asasino a soldo contratado por Manuel I de Portugal para acabar coa vida da monarca.
O seu final está preto a menos que ti evítelo, detective.
Completa correctamente esta ficha sobre O Camiño de Santiago e serache revelada a identidade do sicario.
Moita sorte...
A vida de Isabel está nas túas mans...
 

1 “Bo camiño”.

Actualmente leste é o saúdo máis habitual entre peregrinos pero, antigamente, adoitábase utilizar a expresión: ......................................................, que quere dicir: imos alá. A este saúdo respondíase con: .......................................... que significa: e máis arriba.

"Todos os camiños conducen a Santiago“ O Camiño de Santiago non é só unha ruta determinada que parte dun lugar e remata en Santiago, hai diferentes camiños... Investiga e coloca neste mapa os nomes dos principais, anota onde se inician e nomea algunha etapa:

2 Alfonso X “O Sabio”
As Cantigas de Santa María, comprendidas en catro códices de pergamiño do século XIII, constitúe a obra lírica máis importante da España medieval. Escritas no idioma galaico-portugués, son catrocentos vinte e sete poemas que nos chegaron coa súa correspondente notación musical, e adornados con extraordinarias miniaturas. Combinan relatos de milagres difundidos na Idade Media con loores á Virxe María, testemuño da devoción mariana que se desenvolve paralelamente á construción das catedrais góticas.
a) Quen foi Alfonso X o Sabio?
b) Que é unha cantiga?
c) Tipos de cantigas
e) Aprende na aula de música a cantiga número 100 das cantigas de Santa María de Alfonso X “O Sabio”

3 “A Compostela”
a) Que é a Compostela?
b) Que hai que facer para conseguila?

4 “A Catedral e O Apóstolo”
Realiza unha entrevista a alguén que realizase o camiño. Estas preguntas pódenche axudar:

• Por que fixen o camiño?
• Que sentín ao facelo?
• Pensei en abandonar, en volver á miña casa?
• Que é o que máis me impresionou do que vivín?
• Cambioume o Camiño dalgunha maneira?
 

CURIOSIDADES:

- A Catedral ten forma de cruz latina, que é o típico nas igrexas de peregrinación.

- O seu estilo orixinal é románico, e veralo nas naves principais e o Pórtico da Gloria. Tamén na fachada de Praterías. En cambio en moitas capelas atoparás cambios e adornos góticos, renacentistas, barrocos e neoclásicos. Toda a Historia da arte está aquí!

- Esta Catedral foi moi grande para o seu tempo. O interior mide de Oeste a Este uns 94 metros de longo e 63 metros de Norte a Sur. É o maior templo románico de España.

- A altura máxima das naves é de 20 metros e chega a 32 na cúpula.

- A Catedral actual ten 16 capelas, ademais da cripta do Apóstolo, a cripta do Pórtico da Gloria e unha parroquia independente, a Corticela. Parece unha capela máis pero non o é!

- Sabes por onde se empezou a construír a Catedral? Pois de atrás cara adiante, primeiro a cabeceira con capelas e logo as naves. A primeira en terminarse foi a capela do Salvador.

- Algunhas capelas forman parte do Museo e conteñen as reliquias, as tumbas dos reis de Galicia e o tesouro. Tes que comprar a entrada do museo para velas. A outras podes asomarte no teu percorrido: verás retablos, santos e cúpulas preciosas, e ata algúns enterramentos.

- O altar maior é fastuoso! Ten 350 anos e está presidido por Santiago vestido de peregrino. Sobre el álzase o espectacular baldaquín sostido por anxos e coroado polo escudo de España, Santiago vestido de peregrino e tamén como guerreiro no seu cabalo branco. Pero sabes o máis importante? Aquí é onde se ocorren os momentos que máis esperan os peregrinos e crentes: a Misa do Peregrino, o abrazo ao Apóstolo, a visita das reliquias e o Botafumeiro!