1 TEMPO E CLIMA: Un dúo inseparable

 

"Este é un novo día, un novo comezo" - Ahsoka Tano

 

O tempo e o clima son dous das expresións máis usadas no ámbito meteorolóxico, con todo e a pesar do que poidan pensar moitas persoas, non se trata de conceptos idénticos e fan referencia a contidos totalmente diferentes.

Cando se fala do concepto do tempo faise referencia ao estado no que se atopa a atmosfera. Neste estado interveñen elementos tan comúns como a temperatura, a humidade ou o vento e adoita cambiar todos os días. Desta forma adóitase dicir que fará un día chuvioso, de moito vento ou de bastante calor. Cando se fala do tempo, tamén inclúe desastres naturais como poden ser os tornados, os furacáns ou os ciclóns. Polo tanto  o tempo atmosférico refírese á situación da atmosfera durante un período curto (un día ou menos) nun espazo reducido da superficie terrestre.

 

 

En canto ao clima, fai referencia á media relativa de temperatura ou de humidade nun sitio específico ou determinado da península. Polo tanto o clima é o resultado do comportamento de distintos fenómenos meteorolóxicos, como as precipitacións, a temperatura ou o vento, nunha determinada zona ao longo de moitos anos.

 

 

 

2 FACTORES CLIMÁTICOS: Frío ou calor

 

"Agora, a ser valente e non mirar cara atrás" - Shmi Skywalker

 

Hai elementos que inflúen no clima e fan que varíe dunha zona a outra. As características que inflúen no clima denomínanse factores climáticos e son os seguintes:

 

A distancia respecto ao mar: inflúe no clima porque o mar fai que as temperaturas sexan máis suaves na costa que no interior. Nas zonas de costa, as temperaturas, ademais de ser máis suaves, varían menos entre o día e a noite. Isto débese a que a auga arrefría e quece máis lentamente que a terra, o que inflúe na atmosfera próxima e fai que se suavicen as temperaturas.

 

A latitude: é a distancia desde un punto determinado do planeta ao Ecuador. A latitude tamén inflúe na temperatura, xa que a maior proximidade ao Ecuador, máis altas son as temperaturas; así mesmo, conforme nos afastamos do Ecuador cara aos polos, as temperaturas baixan. Isto débese a que os raios solares non quentan a Terra por igual, as zonas do Ecuador son as que máis calor reciben. España atópase nunha área intermedia chamada zona temperada.

 

O relevo e a altitude: as formas do relevo determinan a altitude do terreo e esta afecta tanto ás precipitacións como á temperatura dunha zona. Nas zonas montañosas, máis altas, as temperaturas diminúen e as precipitacións son máis frecuentes, xa que as nubes chocan contra os picos e provocan chuvias. Pola contra, nas chairas, o aire é máis cálido e as precipitacións menos frecuentes.

 

 

 

Agora que xa temos claro os conceptos de tempo e clima e coñecemos os factores que influen neles, temos que preparar un informe a modo de presentación para a resistencia. Luke debe coñecer á pèrfección o funcionamento do planeta para ter ventaxa con respecto ao Imperio no caso dunha hipotética batalla.

 

TAREFA:

PowerPoint é a ferramenta máis habitual á hora de facer presentacións profesionais. Imos usala, aquí tes 10 consellos para facer unha boa presentación:

 

1 Elixe un fondo adecuado para as diapositivas.

2 Utiliza moitas imaxes para que sexa visual.
3 Usa fontes cun deseño actual.
4 Crea Movemento coas animacións.
5 Utiliza transicións.
6 Insere Vídeos ou Audios para facela mais dinámica.
 

 

Prepera unha presentación de power point co seguinte esquema:

 

DIAPOSITIVA 1: Portada e título.

DIAPOSITIVA 2: Que é o tempo, explicación.

DIAPOSITIVA 3: Que é o clima, explicación.

DIAPOSITIVA 4: Que son os factores climáticos e porqúe influen no clima.

DIAPOSITIVA 5: Nome dos factores climáticos.

DIAPOSITIVA 6: Explica dous factores

DIAPOSITIVA 7: Explica os dous factores que faltan

DIAPOSITIVA 8: Despedida

 

 

3 CLIMAS DA TERRA: Dos polos aos trópicos

 

"Preparado estás? Que sabes ti de estar preparado? Durante oitocentos anos adestrei aos Jedi. Eu decidirei quen debe ser adestrado" - Yoda

 

En función da cantidade de enerxía que recibimos do Sol, a Terra divídese en tres zonas climáticas nas que se desenvolven diferentes tipos de climas e de paisaxes: cálido ( intertropical), tépedo e frío (polar).

 

 

 

CLIMAS CÁLIDOS:

 

Sitúanse entre o Trópico de Cancro e o de Capricornio (entre 0º e 30º de latitude norte e sur) e distinguimos tres tipos de climas:

Ecuatorial: Esténdese pola conca do río Amazonas, a zona de África ecuatorial, Indonesia e as illas de Papúa e Nova Guinea. Todos estes territorios sitúanse moi preto do #Ecuador. As súas temperaturas son cálidas todo o ano, entre 25º e 30º C, con poucas variacións entre o verán e o inverno. As súas precipitacións son abundantes (2.500 mm anuais) ao longo de todo o ano.

Tropical: Igual que o anterior, conta con temperaturas elevadas e precipitacións abundantes. Pero as choivas tropicais distribúense en dúas estacións: unha chuviosa no verán e outra seca no inverno.

Desértico: Localízase preto dos trópicos de cada hemisferio. Posúe unha oscilación térmica moi acusada entre o día e a noite, o que dá lugar a unhas temperaturas medias anuais menores que nos climas ecuatoriais e tropicais. As precipitacións son moi escasas, inferiores a 250 mm anuais.

 

Os climas temperados:

 

 

Mediterráneo: É propio do litoral do mar Mediterráneo, pero tamén se dá noutras zonas costeiras moi distantes como a costa oeste dos EEUU, Chile, Sudáfrica e Australia. A súa temperatura media anual está entre os 10º C e os 18º C, con veráns secos e cálidos e invernos suaves. As súas precipitacións son moi irregulares (entre os 400 e 850 mm anuais), alternando longos períodos secos con choiva intensa.

Oceánico ou atlántico: Sitúase nas zonas tépedas baixo a influencia do mar. As súas temperaturas son suaves durante todo o ano (entre os 10º C e 18º C de media). As precipitacións son abundantes e regulares durante todo o ano, por encima dos 1000 mm anuais.

Continental: Dáse nas rexións tépedas no interior dos continentes e sen a influencia do mar. Por tanto a súa amplitude térmica anual é moi elevada, con invernos moi fríos (superan os -30º C) e veráns cálidos. A media anual non supera os 10º C. As precipitacións son escasas, maiores no verán e en forma de neve no inverno.

 

Os climas fríos

 

Polar: Situado nos círculos polares, entre os 60º e 90º de latitude Norte e Sur. As temperaturas adoitan ser inferiores a 0º C . No inverno son moi frías (por baixo dos -50º C) e no verán próximas aos 0º C. As precipitacións son escasas (menos de 250 mm anuais) e en forma de neve.

Alta montaña: Desenvólvese nas grandes cordilleiras como o Himalaya, os Alpes ou os Andes, e noutras zonas que superen os 2.500 metros de altitude. Posúe veráns frescos e invernos moi fríos. A súa temperatura é baixa durante todo o ano e está condicionada pola altitude (por cada 100 m. de ascensión a temperatura descende 1º C) e a orientación. As precipitacións son abundantes en forma de neve e tamén varían segundo a orientación respecto ao vento.

 

 

TAREFA:

Completa o seguinte esquema co que aprendiches sobre as zonas climáticas da terra:

 

 

 

O centro de Control do Tempo e o Clima é unha instalación que se atopa no centro da cidade perdida dos Jedi. Segundo o androide DJ-88 administrador da Cidade Perdida, o centro de control é o responsable de regular o tempo da Galaxia. Noutros tempos a Galaxia foi un cúmulo de planetas frios e plo tanto inhabitables. Os Jedi transformaron a súa composición e abriron enormes respiraderos de vapor. Controlando a saída de vapor de auga das reixas de ventilación, o Centro de Control do Clima, estableceu unha estación de choivas de seis meses e unha estación seca doutros seis en todos os planetas da Galaxia.

Cando Luke Skywalker entra á cidade perdida a través dun dos orificios de vapor en busca de axuda para derrotar as forzas imperiais DJ-88 ordena que se abran os orificios antes de tempo e Luke introduce o código para activar a máquina de control do clima, previamente Obi- Wan Kenobi dille nun soño que código ten que introducir. Cando empezou a saír o vapor formáronse grandes nubes que descargaron sobre os incendios provocados polos Trioculus, adiantándose así a estación de choiva.

 

 

 

 

 

SEGUNDO TRIMESTRE